Падыход
Dekałanizacyja Biełarusi
Беларускі выпадак не кладзецца цалкам ні ў адну з запазычаных рамак. Тут няма заморскай метраполіі і няма выразнай мяжы паміж каланізатарам і каланізаваным; замест гэтага — сумежнасць, русіфікацыя праз адукацыю і медыя, унутраная каланізацыя і доўгі перапынак у нацыянальным праекце. Гэты падыход збірае разам тое, што апісвае менавіта беларускі досвед.
Пра праект
«Беларуская дэкаланізацыя» — адкрытая навігацыйная база, якую робіць медыя «Годна». Мы збіраем паняцці, падыходы і крыніцы, каб размова пра беларускую суб’ектнасць была дакладнай і даступнай — не толькі для даследчыкаў, але і для аўтараў, рэдакцый, настаўнікаў і студэнтаў.
Гэта не закрытая энцыклапедыя і не фінальнае слова: база будзе дапаўняцца новымі тэрмінамі, крыніцамі і матэрыяламі.
Кожнае слова тут напісана двойчы — кірыліцай і лацінкай. Гэта не аздабленне: «Наша Ніва» з 1906 года выходзіла двума паралельнымі выданнямі, кірылічным і лацінскім, і толькі з 43-га нумара 24 кастрычніка 1912 года засталася адна кірыліца. Гэтая старонка трымае абодва выданні разам.